महादरबार न्यूज नेटवर्क -
महाराष्ट्र राज्याचे परिवहन मंत्री मा. ना. प्रताप जी सरनाईक यांच्याकडे मा. ना. मंत्री भरतशेठ गोगावले यांच्या माध्यमातून केलेल्या विशेष पाठपुरावाला यश येऊन अकलूज बस डेपो साठी दहा एसटी बसची मागणी मान्य करत तात्काळ अकलूज डेपोकडे वर्ग करण्यात आल्या त्या बसचं पूजन शिवसेनेचे जिल्हाप्रमुख ओबीसी राजकुमार हिवरकर पाटील यांच्या शुभहस्ते पार पडले.
अकलूज बस डेपो साठी नवीन २० बस गाड्या मिळाव्या यासाठी १५/२/२०२५ रोजी निवेदन मंत्री महोदयांना देण्यात आलं होतं कारण अकलूज बस डेपोच्या जुन्या झालेल्या जवळपास ४० बसेस आहेत पूर्वी त्या १०० वर होत्या बस ची संख्या कमी झाल्याने विद्यार्थ्यांना खेड्या गावावरून येण्यास अडचण निर्माण झालेली होती. महाराष्ट्र राज्याचे लोकप्रिय उप मुख्यमंत्री तथा शिवसेनेचे मुख्य नेते मा.ना. एकनाथराव शिंदे साहेब यांची पर्यटन दर्शन वारी योजना महिला व जेष्ठ नागरिकांसाठी अखंड चालू राहण्यासाठी बस उपलब्ध असणे गरजेचे होतं. त्याचबरोबर शिक्षणासाठी बारामती येथे जाणाऱ्या येणाऱ्या विद्यार्थी विद्यार्थिनी त्याचबरोबर महिला हॉस्पिटलच्या निमित्ताने जाणाऱ्या महिलांची संख्या खूप मोठी आहे .त्यामुळे तालुक्यातील विद्यार्थ्यांना शिक्षणाच्या मुख्य प्रवाहात आणण्यासाठी एसटी बस ( लाल परी ) ही रक्तवाहिनीच्या स्वरूपात काम करणारी यंत्रणा आहे त्याचबरोबर माळशिरस तालुक्याच्या जवळ पंढरपूर,तीर्थक्षेत्र अक्कलकोट, गोंदावले, शिर्डी, शिखर शिंगणापूर, शनिशिंगणापूर, नाशिक, त्रिंबकेश्वर,आधी धार्मिक स्थळांना भेटी देण्यासाठी नागरिकांना उपलब्ध नसल्याने यापूर्वी जाणे शक्य होत नव्हतं सदर निवेदनाचा विचार सकारात्मक व तात्काळ करून मा. ना. भरत शेठ गोगावले मंत्री रोजगार हमी पणन यांच्या माध्यमातून राज्याचे परिवहन मंत्री मा. ना.प्रतापजी सरनाईक साहेब यांनी तात्काळ दहा बस पाठवून अकलूज बस डेपोच्या ताब्यात दहा नवीन एसटी बस दाखल करून दिल्याबद्दल शिवसेनेचे जिल्हाप्रमुख ओबीसी राजकुमार हिवरकर पाटील यांनी महायुती सरकारचे विशेषता राज्याचे मुख्यमंत्री मा. ना.देवेंद्रजी फडणवीस साहेब उपमुख्यमंत्री तथा शिवसेना मुख्य नेते एकनाथराव शिंदे साहेब उपमुख्यमंत्री मा.ना. अजित दादा पवार साहेब परिवहन मंत्री प्रतापजी सरनाईक साहेब ,रोजगार हमी मंत्री भरत शेठ गोगावले यांचे आभार मानले. उर्वरित दहा बस द्याव्या याबाबतची विनंती मंत्री महोदयांकडे पुन्हा करण्यात आली. यावेळी शिवसेनेचे नेते पदाधिकारी तसेच अकलूज बस डेपोचे कर्मचारी उपस्थित होते.
0 Comments