#Natepute छत्रपती शाहू महाराज जयंतीनिमित्त दहिगाव येथे वृक्षारोपणासह विद्यार्थ्यांना शालेय साहित्य वाटप

महादरबार न्यूज नेटवर्क -
पुरोगामी महाराष्ट्र न्यूज व दादासाहेब साळवे परिवाराच्या वतीने छत्रपती शाहू महाराज जयंती निमित्त वृक्षारोपण व पालक नसलेल्या विद्यार्थ्यांना शालेय साहित्याचे वाटप करण्यात आले तसेच अंगणवाडी तील १५ विद्यार्थ्यांना पुस्तक संच देण्यात आले.

या कार्यक्रमाचे अध्यक्षस्थानी नातेपुते पोलीस स्टेशनचे नूतन पोलीस अधिकारी बसवेश्वर जकीकोरे साहेब हे होते. कार्यक्रमाची सुरुवात दहिगाव येथील ऐतिहासिक असणारी वेस येथील छत्रपती शिवाजी महाराज यांच्या प्रतिमेला पुष्पहार अर्पण करून तसेच नरवीर उमाजी नाईक यांच्या पुतळ्याला पुष्पहार अर्पण करण्यात आला. ए.पी.आय बसवेश्वर जकीकोरे व  मान्यवरांच्या हस्ते प्रतिमा पूजन करून वृक्षारोपण करण्यात आले.तसेच यावेळी प्रमुख पाहुणे तसेच विद्यार्थ्यांचा सत्कार केशर आंब्याचे वृक्ष भेट देऊन करण्यात आले.

या प्रसंगी तालुका महिला बालकल्याण अधिकारी आसमा आतार मॅडम,केंद्रप्रमुख भरते सर, दहिगाव हायस्कूलचे अध्यक्ष वंदनादेवी मोहिते,वनिता देवी पाटील,जिल्हा परिषद सदस्य ऋतुजा मोरे,सरपंच,सोनम ताई खिलारे, मुख्याध्यापक चव्हाण सर, माजी उपसरपंच विजयसिंह पाटील,पोलीस पाटील विठ्ठल मोरे, ज्येष्ठ मा.शिक्षक दीक्षित सर,किर्दक सर,अशोक रुपनवर सर,मुख्याध्यापक वनसाळे सर,अमोल खरात सर,उद्धव सावंत,सचिन किर्दक, मेजर महेश चिकणे, रणजीत खिलारे सर, नितीन मोरे अक्षय मोरे, ,उपसरपंच सर्व सदस्य अंगणवाडी सेविका, शिक्षक व मोठ्या प्रमाणात विद्यार्थी उपस्थित होते या कार्यक्रमाचे आयोजन मुख्याध्यापक दादासाहेब साळवे सर व पुरोगामी महाराष्ट्र न्यूज चॅनल चे संपादक जिल्हा दक्षता नियंत्रण समिती सदस्य पत्रकार प्रमोद शिंदे यांनी केले.कार्यक्रमाचे सूत्रसंचालन विठ्ठल सूर्यवंशी सर यांनी केले.