#Malshiras पत्रकार शोभा वाघमोडे यांनी बंदी जणांना राख्या बांधून जपली सामाजिक बांधीलकी

बंदी जणांना अवगुण सोडून देण्याचे केले आवाहन

महादरबार न्यूज नेटवर्क -
दिनांक ९/८/२०२५ रोजी संपूर्ण देशात रक्षाबंधनाचा सण मोठ्या उत्साहात साजरा केला गेला. रक्षाबंधन हा सण भाऊ-बहिणीच्या प्रेमाचे प्रतीक आहे. या दिवशी बहिणी आपल्या भावाच्या मनगटावर राखी बांधते आणि त्याच्या दीर्घायुष्यासाठी प्रार्थना करते. या पवित्र दिवसाचे औचित्य साधून पत्रकार शोभा वाघमोडे यांनी ५४ बंदी जणांना राख्या बांधून रक्षाबंधन हा सण साजरा केला. व त्यांना दीर्घायुष्य लाभो अशी प्रार्थना केली व अवगुण सोडून देण्याचे केले आवाहन केले.

पत्रकार शोभा वाघमोडे या नेहमीच सामाजिक बांधिलकीची जाणीव करून देणारे उपक्रम घेतात.  यावेळी अनेक बंदी जणांच्या डोळ्यातून आनंदाश्रू तराळले. अनेकांनी आपल्या भावनांना वाट मोकळी करून दिली.  हा सण माळशिरस तहसीलदार सुरेश शेजूळ तुरुंग अधिकारी जी.एस. खैरे यांच्या परवानगीने पोलीस हवालदार गणेश हांगे, पोलीस कॉन्स्टेबल गणेश पवार यांच्या समक्ष राख्या बांधून साजरा करण्यात आला.