महादरबार न्यूज नेटवर्क -
महाराष्ट्र सरकारच्या महत्त्वकांक्षी असलेली माझी मुख्यमंत्री लाडकी बहीण योजना या योजनेच्या यशस्वी अंमलबजावणी माळशिरस तालुक्यात झाल्याबद्दल काम करणाऱ्या कर्मचाऱ्यांना दि.१४ ऑक्टोंबर रोजी विशेष सन्मानपत्र देऊन त्यांचा गुणगौरव करण्याचा कार्यक्रम पंचायत समितीच्या ए पी जे अब्दुल कलाम सभागृहामध्ये संपन्न झाला.
या कार्यक्रमाला अध्यक्ष म्हणून मुख्यमंत्री लाडकी बहिण योजनेचे तालुका अध्यक्ष बाळासाहेब सरगर व जिल्हा नियोजन समितीचे सदस्य सतीश सपकाळ यांनी आपले गुणगौरव युक्त मनोगत व्यक्त केले. या कार्यक्रमाला प्रमुख पाहुणे म्हणून या योजनेच्या सचिव तथा उपविभागीय अधिकारी विजया पांगारकर होत्या तर या कार्यक्रमाला विशेष उपस्थिती तहसीलदार सुरेश शेजुळ, गटविकास अधिकारी डॉ आबासाहेब पवार यांची होती.
या कार्यक्रमासाठी प्रमुख म्हणून अकलूज नगरपालिकेचे मुख्याधिकारी दयानंद गोरे, नातेपुते नगरपरिषदेचे मुख्याधिकारी माधव खांडेकर, नायब तहसीलदार सिद्धनाथ जावीर, निवासी नायब तहसीलदार अमोल कदम, होते या योजनेचे आयोजन करण्यासाठी विशेष परिश्रम घेतल्या अशा महिला व बालविकास अधिकारी सीडीपीओ आसाम आतार व दुसरे बालाजी अल्लाडवाड हे होते तर कार्यक्रमाचे सूत्रसंचालन कुलकर्णी यांनी केले या कार्यक्रमासाठी ज्यांनी विशेष प्राविण्य दाखवून योजना यशस्वी करण्यासाठी प्रयत्न केले असे अंगणवाडी सेविका, मदतनीस, तलाठी, ग्रामसेवक, कॉम्प्युटर ऑपरेटर व अनेक शासकीय अधिकारी यांचा गुलाब पुष्प प्रमाणपत्र देऊन सन्मान करण्यात आला या कार्यक्रमासाठी आलेल्या मान्यवरांना रुक्मिणी मातेची प्रतिमा देऊन त्यांचा सन्मान करण्यात आला कार्यक्रमाचे आभार प्रदर्शन बालाजी अल्लडवाड यांनी केले.
0 Comments